YENİLİK - Apple&Google Wallet üzrə Loyallıq Kartları

1. Apple&Google Wallet Dəstəyi: Artıq müəssisə qonaqları (müştərilər) öz Loyallıq Kartlarını Apple Wallet və ya Google Wallet-ə əlavə edə bilərlər. Bu funksionallıq, Loyallıq modulu aktiv olan və Cashback funksiyasını açmış müəssisələr üçün keçərlidir.
2. Emenu Üzərindən Kartın Əlavə Edilməsi: Qonaq Emenu platformasında hesabına daxil olduqdan sonra, sol yuxarı küncdəki “Cashback” düyməsinə klikləməklə, Loyallıq Kartını birbaşa Apple&Google Wallet-ə əlavə edə bilər.
3. Balansların Görüntülənməsi və Ödəniş İmkanı: Wallet-ə əlavə olunan Loyallıq Kartında aşağıdakılar görünəcək:

• Müştərinin şəxsi balansı
• Cashback balansı

Bu balanslardan istifadə etməklə, wallet üzərindən göstərilən QR kodu kassaya təqdim edərək birbaşa ödəniş etmək mümkündür.

4. Qonağa Ait Məlumatların Əks Olunması: Wallet Loyallıq Kartlarında aşağıdakı müştəri məlumatları əks olunur:

• Tam ad;
• Müştəri ID-si;
• Cashback balansı;
• Şəxsi balans.

(Yaxın zamanda əlavə məlumat sahələrinin inteqrasiyası planlaşdırılır.)

5. Genişlənə Bilən Funksionallıq: Bu, yalnız başlanğıc mərhələsidir. Yaxın zamanda, Wallet Loyallıq Kartları vasitəsilə daha geniş imkanlar (kampaniyalar, sədaqət pillələri və s.) təqdim olunacaq.

Yeniləndi: 31/10/2025