Yarımfabrikat

Yarımfabrikat – Tam hazır olmayan, amma istehsal üçün hazır olan məhsuldur. Yəni, bir məhsul müəyyən bir emal mərhələsindən keçmiş, amma hələ son məhsul halına gətirilməyib. Məsələn, pelmeni, çörək üçün xəmirlər və ya dondurulmuş qızartmalar yarımfabrikatlara misaldır. Bu məhsullar daha sonra son mərhələdə hazırlanır və istehlakçıya təqdim olunur.

Yarımfabrikat yaratmaq üçün, Menyu → Yarımfabrikat bölməsinə daxil olub, Yarat düyməsini klikləyirik.

Açılan səhifədə yarımfabrikatı yaratmaq üçün, məlumatları qeyd etmək lazımdır.

Ad - Yarımfabrikatın adını qeyd edirsiniz.
Mühasibatlıq kateqoriyası - mühasibatlıq kateqoriyası yaratmısınızsa, həmin kateqoriyanı qeyd edə bilərsiniz.
Kateqoriya - kateqoriya yaratmısınızsa, həmin kateqoriyanı qeyd edə bilərsiniz. (Misal üçün "Toplu hazırlamalar" kateqoriyası.)

Ümumi çıxış - Yaradılan yarımfabrikatdan son nəticədə nə qədər miqdarda və ya porsiyada əldə edilirsə, onu qeyd edirik (əd, kg, lt).

Yarımfabrikatın hansı texkartalarda istifadə ediləcəyini bilirsinizsə, onu ölçü vahidinə uyğun olaraq seçirsiniz: məsələn, neçə porsiya çıxacağını bilirsinizsə "ədəd", neçə kiloqram olduğunu bilirsinizsə "kiloqram" və ya digər müvafiq vahidləri istifadə edirsiniz. Məsələn, 1 kq qeyd edirsinizsə, bu halda 1 kq pizza xəmirinin hazırlanması üçün tələb olunan inqrediyentləri və onların hər birinin miqdarını dəqiq şəkildə qeyd etmək vacibdir.

Açıqlama - bu hissəyə istəyə uyğun olaraq məhsulun hazırlanma texnologiyasını özünüz üçün qeyd edə bilərsiniz.
Silinmə üsulu - 2 növ silinmə üsulu var.

1.Tərkibdən sil

2.Hazır məhsuldan sil

Tərkibdən sil - seçildikdə, satış getdikcə, qeyd olunan tərkiblər anbardan azalmağa başlayacaq.

Hazır məhsuldan sil - seçildikdə, satış getdikcə qeyd olunan tərkibdən deyil, yarımfabrikat yaradılan zaman özü anbardan azalmağa doğru gedəcək.

İnqredientləri tərkibə tək-tək və ya toplu şəkildə daxil etmək olar.

Aşağı ehtiyat - Bu sahəyə məhsulun miqdarını qeyd edirsiniz. Əgər anbardakı məhsulun miqdarı azalarsa və siz "Ehtiyat" bölməsində yerləşən Aşağı ehtiyat filtrindən istifadə edirsinizsə, həmin məhsul filtr nəticələrində axtarış siyahısında görünəcək.
Bildiriş - düyməsini aktiv etdiyiniz halda və Menecer proqramında "Minimum qalıq bildirişi" də aktiv olunubsa, anbardakı məhsul ehtiyatı azaldıqda bu barədə telefonunuza avtomatik olaraq bildiriş göndəriləcək.
Etiket – Etiket Meneceri bölməsində yaradılmış etiketi qeyd etdikdə, bu məhsulu qruplaşdıra bilərik. Bu, bizə daha sonra filtr tətbiq edərkən həmin etiketi verdiyimiz məhsulları asanlıqla tapmağa kömək edəcək.
Əlavə et düyməsini klikləyərək yeni xanalar əlavə edib tək-tək yaza bilərsiz.

Toplu seçim vasitəsi ilə isə inqrediyentləri toplu seçə bilərik.

💡Toplu seçim zamanı sistemdə olmayan yeni inqredienti yaradıb tərkibə qoya bilərsiniz

Cəm hissəsində bu yarımfabrikatın maya dəyərini görə bilərik.

Məlumatları qeyd etdikdən sonra Saxla düyməsini klikləyirik.

Yarımfabrikatlarınızı axtarmaq üçün, buradakı filterlərdən istifadə edə bilərsiniz.

Yarımfabrikatın üzərinə klikləyəndə 1 vahid üçün (ədəd, kq, qr, l, m) nəzərdə tutulmuş miqdarı görəcəksiniz. Misal üçün, siz yarımfabrikatı yaradarkən, 5 kq pizza xəmirinə görə tərkib yazsanız belə, bu hissədə 1 kq pizza xəmirinə uyğun sistem tərəfindən hesablanmış tərkibi görəcəksiniz.

İstifadədə düyməsinə kliklədiyiniz zaman, hansı tex.kartaların tərkibində bu yarımfabrikatdan nə qədər istifadə olunur görə bilərsiniz.

Yeniləndi: 16/10/2025

Bu məqalə faydalı oldu?

Təşəkkürlər!