> ## Knowledge Base Index
> Fetch the complete knowledge base index at: https://az.help.clopos.com/sitemap.xml
> Use this file to discover available pages before exploring further.
> Pure-Markdown content can be obtained by appending a '.md' suffix to the content URLs listed in the sitemap (without the trailing slash).

# Özünə Xidmət Kioskunun istifadə qaydası

###### Özünə Xidmət Kiosku müştəriyə sifarişini kassirə müraciət etmədən özü verməyə imkan tanıyır. Müştəri menyuya baxır, məhsulları seçir, ödənişi edir və sifariş real vaxtda birbaşa mətbəxə göndərilir.

|| 💡 Kioskun aktivləşdirilməsi və tənzimlənməsi üçün [Özünə Xidmət Kioskunun sazlanması](https://az.help.clopos.com/az/article/ozune-xidmet-kioskunun-sazlanmasi-1hfxwka/) məqaləsinə baxın.

### Kiosku terminala qoşmaq

Tətbiqi planşetdə ilk dəfə açdıqda **Choose Connection Mode** ekranı görünür. Burada kioskun arxa panellə necə əlaqə quracağını seçirsiniz:

* **Offline** – Kiosk yerli şəbəkədəki terminala qoşulur. Terminal kiosk ilə arxa panel arasında körpü rolunu oynayır.
* **Online** – Kiosk birbaşa buluda qoşulur. Bu rejim yalnız **kassada ödə** üsulu ilə işləyir.

![](https://storage.crisp.chat/users/helpdesk/website/-/7/4/0/e/740e20bde3bec000/image_aihkep.png =463xauto)

### Offline rejimi
**Offline** seçimini etdikdə **Kiosk Setup** ekranı açılır:

* **Main terminal IP address** – Əsas terminalın yerli şəbəkədəki IP ünvanını yazın (məsələn, 10.10.10.4).
* **Password** – Özünə Xidmət Kiosk parolunu daxil edin.

Sonra **Login** düyməsinə klikləyin.

![](https://storage.crisp.chat/users/helpdesk/website/-/7/4/0/e/740e20bde3bec000/image_gxgxsv.png =428xauto)
### Online rejimi
**Online** seçimini etdikdə **Online Mode** ekranı açılır:

* **Brand subdomain** – Brend adınızı daxil edin. 
* **Device password** – Özünə Xidmət Kiosk parolunu daxil edin.

Sonra **Connect** düyməsinə klikləyin.

![](https://storage.crisp.chat/users/helpdesk/website/-/7/4/0/e/740e20bde3bec000/image_4vb73d.png =416xauto)
### Başlanğıc ekranı
Kiosk gözləmə vəziyyətində olduqda ekranda başlanğıc vizualları göstərilir. Müştəri sifarişə başlamaq üçün ekrana toxunur.

![](https://storage.crisp.chat/users/helpdesk/website/-/7/4/0/e/740e20bde3bec000/image_a1bq62.png =419xauto)
### Satış üsulunun seçilməsi
Müştəri satış üsulunu seçir. Sazlamada aktiv etdiyiniz üsullardan asılı olaraq burada **Burada** və ya **Paket** seçimləri görünür.

![](https://storage.crisp.chat/users/helpdesk/website/-/7/4/0/e/740e20bde3bec000/image_5g2obi.png =427xauto)
### Məhsulların seçilməsi
Müştəri menyudan istədiyi məhsulları seçir. Menyu kateqoriyalar üzrə, məhsulların şəkli və açıqlaması ilə göstərilir.

* Məhsulun üzərinə toxunaraq onu səbətə əlavə edir.
* Məhsulu modifikator, porsiya və xüsusi istəklə fərdiləşdirə bilir.
* Səbətdə məhsulun sayını dəyişə və ya məhsulu çıxara bilir.

![](https://storage.crisp.chat/users/helpdesk/website/-/7/4/0/e/740e20bde3bec000/image_1pzo8a0.png =439xauto)
### Sifarişin yoxlanılması
Müştəri səbətə keçid edərək sifarişini yoxlayır. Burada seçilmiş məhsullar, modifikatorlar, saylar və yekun məbləğ göstərilir. Müştəri sifarişi təsdiqləyib növbəti mərhələyə keçir.

![](https://storage.crisp.chat/users/helpdesk/website/-/7/4/0/e/740e20bde3bec000/image_1t41hw.png =442xauto)
### Ödəniş üsulunun seçilməsi
Müştəri ödəniş üsulunu seçir. Sazlamada aktiv etdiyiniz seçimlərdən asılı olaraq iki variant görünə bilər:

* **Burada ödə** – Müştəri birbaşa kiosk üzərindən kart, nağd və ya QR kod ilə ödəyir.
* **Kassada ödə** – Müştəri sifarişi tamamlayır, ödənişi kassada edir.

![](https://storage.crisp.chat/users/helpdesk/website/-/7/4/0/e/740e20bde3bec000/image_1ss3udo.png =458xauto)
![](https://storage.crisp.chat/users/helpdesk/website/-/7/4/0/e/740e20bde3bec000/image_ppezdv.png =460xauto)
### Sifarişin tamamlanması
Ödənişdən sonra sifariş mətbəxə göndərilir. Printerə vəya Mətbəx ekranı sistemi (KDS) qoşulubsa, müştəri üçün çek çap olunur. Müəyyən müddət ekrana toxunulmadıqda kiosk avtomatik olaraq başlanğıc ekranına qayıdır.

![](https://storage.crisp.chat/users/helpdesk/website/-/7/4/0/e/740e20bde3bec000/image_1fx2wtu.png =1111xauto)